Havnar Tennisfelag (HTF) varð upprunaliga stovnað í 1934. Felagið var virkið til fyrst í 50-unum. Eftir ein stuttan steðg fór felagið aftur undir virksemi í 1955, men felagið varð síðani niðurlagt – men ikki avtikið – aftur í 1962. Síðani tá og til 1990 var einki virkið tennisfelag í Havnini.
Tá nýggju vallirnir í Gundadali vórðu tiknir í nýtslu í 1990, var tað Havnar Badmintonfelag, sum tók sær av tennisvirkseminum í Havn.
HTF varð síðani endurreist 30. mai í 1996 og hevur til endamáls at virka fyri tennisítróttini í Havnini. HTF gjørdi tá avtalu við Havnar Badmintonfelag viðvíkjandi tennisvallunum, soleiðis at tað nú bert er HTF, sum umsitur virksemið á tennisvøllinum í Havn.
Havnar Tennisfelag er limur í Tennissambandi Føroya, ið er eitt av menningarsambondunum hjá ÍSF.
Nevnd
- Rúna Seyer Eliassen, forkvinna
- Jón Brekku, peningarøkil
- Barbara á Rógvi
- Steinar Patursson
- René Karbech Rasmussen